अनजान शहर बाटे, अनजान सफर बाटे
42
अनजान शहर बाटे, अनजान सफर बाटे
मजबूर मुसाफिर बा, चलहीं के डहर बाटे
हर मोड़ पे आके हम गुमराह भले भइनी
पर आस मरल नइखे, मंजिल प नजर बाटे
तब गैर रहे लूटत, अब आपने लूटत बा
एह देश में सदियन से, लूटे के लहर बाटे
मतलब के निकलते ही बर्ताव बदल जाता
फइलत बा फिजा में अब कइसन दो जहर बाटे
भाई के मुसीबत में, भाई ही सटत नइखे
एह खून के रिश्ता में, कइसन ई कसर बाटे
'भावुक' हो ई जिनिगी तऽ, पतझार के पतई हऽ
ई काल्ह रही कहँवाँ, केकरा ई खबर बाटे
posted by Manoj Bhawuk @ 5:18 AM
1 Comments:
At 7:32 AM,
Udan Tashtari said…
भोजपुरी गीतों और गज़लों की इस महफिल में बहुत मजा आ रहा है. स्वागत है आपका.
एक बार मैने भी कुछ भोजपुरी में कविता करने का प्रयास किया था, यहाँ देखें:
http://udantashtari.blogspot.com/2006/04/blog-post_25.html
उम्मीद है आगे भी आपको पढ़ते रहेंगे.
शुभकामनायें.
--समीर लाल
Post a Comment
<< Home